Page:Guy Mannering Vol 2.djvu/331

if ye hae ony fash wi' her, Mr Protocol; if she likes to gang hame wi' me that is. Ye see, Ailie and me we're weel to pass, and we would like the lassies to hae a wee bit mair lair than oursells, and to be neighbour-like—that would we.—And ye see she canna miss but to ken manners, and the like o' reading books, and sewing seams—having lived sae lang wi' a grand lady like Lady Singleside. Or if she does na ken ony thing about it, I in jealous that our bairns will like her a' the better; and I'll take care o' the bits o' claes, and what spending siller she maun hae, and the hundred pound may rin on in your hands, Mr Protocol, and I'll be adding something till't, till she'll may be get a Liddesdale joe that wants something to help to buy the hirsel.—What d'ye say to that, hinny? I'll take out a ticket for ye in the fly to Jeddart—odd, but ye maun take a poney after that o'er the Limestane-rig—deil a wheeled carriage ever gaed into Liddesdale:—and I'll be very glad if Mrs