Sae round dame grumphy's hindsome leg
The rape I soon did tie, man;
And wi' supple birken twig,
I drave her out o' the sty man;
Wi Mattie straught I bade gude e'en,
And briskly to the road we tane:
But scarcely fifty yards we'd gane
When madam sow impatient grew
And soon I trow, made me to rue
That her I chanced to buy, man.
For being of the female breed,
She proved a stubborn jade, man
Were I to flee the brute alive,
She'd aye hae her ain road, man.
I wanted east, but she'd be wast,
Or any way, she liked best,
And did my brains sae fairly pest;
Till in my wraith, wi' mony an aith,
I vowed her skaith, and kicked her baith
And gart her squeak aloud man.
But though pig's flesh it never mair
Should be my lot to pree, man
I row and swear anither sow
Will neer be bought by me, man
As lang's there heering in Lochfine
I'll ne'er want kitchen when I dine,
And henceforth bid adieu to swine
O' nae sic gear the price I'll speer,
Nor stan' the sneer and taunting jeer,
That I frae neebours dree, man.
