Page:History of the Haverel wives, or, The folly of witless women displayed (1).pdf/3

Munnonday, I hae mind ſince there was nae Munnondays at a’, an the Sabbath days was nae com’d in faſhion, there was a day they ca’d Sunday came anes o’ the ouk for it, we kend ay when it came, for my father cow’d ay his beard when the bell rang, and then, every body ran to the kirk it had ony thing ado, an it were to buy ſaut or ſhone, for the chapman cheils ſet up a’ their creims at the kirk-door, an the lasses wad a gotten keeking-glaſſes, red ſnudes, needles, preens, elſhin-irons, gimlets, brown bread and black ſaep to buy, forby ſweety-wives’ things, and rattlers for reſtleſs little anes; the men wad a bought pints o’ ale, an a gotten a whang o’ good cheese to chow a’ the time-a drinking o’t; hout, tout ay, they were braw markets on the Sundays i’ the time o’ Papery, we had nae ministers then but Prieſts, Meſs Johns, Black Friers, and White Friers, Monks, Abbots and Biſhops, they had nae wives, yet the beſt o’ them wad a ſpoken baudy language, and a kiſs’d the laſſes, ſickle ſyking bodies they were, unco ill to pleaſe, they wad a baith curſ’d fouk and bless’d them, juſt us ye pay’d them; a deed they were unco greedy o’ the penny, and pray’d ay to the dead fouk, and gard the living pay them for’t, and altho’ they had play’d the loon wi’ a poor hizey ſhe durſt na ſpeak o’t for her very life, for they cou’d gi’ ony body o’er to the de’il when they liket: They did not gar fouks learn to read and