pray like our new miniſters, but thump on your breaſt, ſtrake your fingers o’er aboon your nose, tell your beeds, and rin bare-fit thro’ amang hard ſtanes, and cauld ſna’.
Mag.) A hech woman, an wad they a had carnal dealings wi’ the women, and them ſae good and haly?
Jan.) Hout ye daft woman, do ye think that their gudeneſs gelded them, tho’ they had nae wives; there was a great ſort o’ them it they ca’d Cardonels, that ay when twa young bodies was married, they bute to hae the firſt night o’ the bride.
Mag.) A wae worth them filthy hureing dogs, if I widna a libbet them myſel, I wonder that the gentle fouks an lairds lote them do the like o’ that.
Jan.) A dear woman, the gentle fouks and the lairds keepit ay in wi’ them, for they said they had the command o’ the de’il and the dead fouk, and the gentles durſt na caſt out wi’ them, for they got a’ their ſins pardon’d for the less filler.
Mag.) A dear woman, that was unco like, the de’il wad get nae body then put the poor fouk, and them that had nae filler.
Jan.) A well a wat that was true, for an they paid the priest well, the de’il durst naw meddle wi’ them.
Mag.) A wow woman an what’s come o’ them a’ now, am sure the like o’ thae fouks it had sae meikle power, needed neither die nor yet be sick; they wad live a’ their days.
