free house and the yaird that grew the best early kale in the hail country, and the cow's grass."
"O wow! my winsome bairn, Cuddie," continued the old dame, "murmur not at the dispensation; never grudge suffering in the gude cause."
"But what ken I if the cause is gude or no, mother," rejoined Cuddie, "for a' ye bleeze out sae muckle doctrine about it? It's clean beyond my comprehension a' thegither. I see nae sae muckle difference atween the twa ways o't as a' the folk pretend. It's very true the curates read aye the same words ower again; and if they be right words, what for no? A gude tale's no the waur o' being twice tauld, I trow; and a body has aye the better chance to understand it. Every body's no sae gleg at the uptake as ye are yoursel, mither."
"O, my dear Cuddie, this is the sairest distress of a'—O, how aften hae I shewn ye the difference between a pure evangelical doctrine and ane that's corrupt wi'
