human inventions? O, my bairn, if no for your ain saul's sake, yet for my grey hairs'———
"Weel, mither," said Cuddie, interrupting her, "what need ye mak sae muckle din about it? I hae aye dune whate'er ye bade me, and gaed to kirk whare'er ye likit on the Sundays, and fended weel for ye on the ilka days besides. And that's what vexes me mair than a' the rest, when I think how I am to fend for you now in thae brickle times. I am no clear if I can plough ony place but the Mains and Mucklewhame, at least I never tried ony other grund, and it wadna come natural to me. And nae neighbouring heritors daur tak us after being turned aff thae bounds for non-enormity."
"Non-conformity, hinnie," sighed Mause, "is the name that thae warldly men gi'e us."
"Weel, aweel—we'll hae to gang to a far country, maybe twal or fifteen miles aff. I could be a dragoon, nae doubt, I can
