before said. And attoure to Landwart in Schireffedomes ilk Barronne sall garre prise in their Barronnies and punish the trespassoures, as the Wardane dois in the Burrowes, and gif the Barronne dois not, the Schireffe sall punish the Barronne, and gif the Schireffe dois not, they sall bee in amercement to the King, as the Alderman, Baillies, and Councel in Burrowes, and the Alderman Baillies and Councell in Burrowes sall inquire ilk moneth at the least, gif the Wardenis of the craftes price weill, and punish the trespassoures: and gif onie man complainis of over greate price, or of he breaking of the price, maid or, set to the Aldermen, Baillies, and Councell: that they punish the breakers of the price, and garre the partie complainand be allyithed, under the paine foresaid.
104. Of Beggers.
ITEM, The King hes statute, with consent of his haill Parliament and Councell, and eiked to the statutes maid in his Parliament of Beggers: that in Burrowes, the Chalmerlaine in his air ilk zeir sall inquire, gif the Aldermen and Baillies have keeped the statute: And gif they have broken it, they sall be in fourtie shillinges to the King.
105. The Woolfe and Woolfe-birdes, suld be slaine.
ITEM, It is statute and ordained be the King, with consent of his haill Councell, that ilk Barronne within his Barronnie in gangand time of the zeir, chase and seeke the quhelpes of the Woolses, and gar slaie them, And the Barronne sall give to the man that slayis the Woolfe in his Barronnie, and bringis the barronne the heade, twa shilinges. And quhen the Barronnes ordainis to hunt and chase the Woolfe, the tennentes sall rise with the Barronne, under the paine of ane Wedder of ilk man, not risand with the barronne. And that the Barronnes hunt in their barronnies and chase foure times in thezeir, and als oft, as onie Woolfe beis seene within the barronnie. And that na man seeke the Woolfe with schot, but allanerlie in the times of hunting of them.
106. Anent Lipper folke.'
ITEM, That na Lipper folke, nouther man nor woman, enter nor cum in an Burgh of the Realme, bot thrise in the oulk, that is to saie, Monondaie, Wednesdaie, and Fridaie, fra ten houres, to twa after noone; And quhair Faires and Mercattes fallis on thay dayis, that they leave their entrie in the Burrowes, and gang on the morne to get their living.
ITEM, That na Lipper folke sit to thig, nouther in Kirk nor in Kirke-zaird, nor uther place within the Burrowes, bot at their awin Hospital, ana at the Porte of the Towne, and uther places out-with the Burrowes.
ITEM, That the Bishoppes, Officialles, and Deanes inquire diligendie in their visitation of ilk Paroche Kirk, gif onie he smitted with Lipper. And gif ony sik be foundin, that they be delivered to the King, gif they be seculares: And gif they be Clerkes to their Bishoppes. And that the Burgesses gar keepe this statute, under the paine conteined in the statute of Beggeres. And quhat Leprous that keepis not this statute, that he be banished for ever off that Burgh, quhair he disobeyis, and in likewise to Landwart.
107. Anent the passage of Clerkes out of the Realme, and of Barratrie.
ITEM, It is statute and ordained, that na Clerkes, religious nor seculare, pane out of the Realme, bot gif he cum to his ordinar first, or then to the Chancellar of the Realme, and schaw to them gude and honest cause of his passage, and mak faith to them, that he do na barratrie and have his letters of licence and witnessing thereupon. And gif onie dois the contrarie, or makis barratrie, fra it be kend with sufficient and gude document, that he underly the statute maid against them that hes money out of the Realme. And that this statute be not allanerly extended to them, that dois barratrie in time to cum; bot als to them outwith the Realme now, that beis convivt of barratrie. And als the King forbiddis, that onie of his Lieges send onie expenses till ony barratour, that is now out-with the Realme, or give them helpe or favour, in quhat degree that ever they atteine to, quhill they cum hame in the Realme, under the paine of breaking of the act of Parliament.
108. That nane interpreit the Kingis statutes wrangeouflie.
ITEM, The King of deliverance of Councell, be maner of statute forbiddis, that na man interpreit his statutes utherwaies, then the statutes beads, and to the intent and effect, that they were maid for, and as the maker of them understoode: And quha sa dois the contrarie, sall be punished at the Kingis will.
109. Wilde fowles forbidden to be taken.
ITEM, That na Partrick, plovers, black-cockes, gray-hennes, na mure-cockes, nor sik fowles be tane with na maner of instruments, fra the beginning of Lentron, quhill August under the paine of fourtie shillinges. And that indictment passe thereupon be the Justice Clerke.
FINIS.
