94
LIBER
¶ The xvij fable is of the Ape and of the foxe.
F the poure and of the Ryche Eſope
reherceth ſuche a fable / Of an
ape / whiche prayd the foxe to
gyue hym ſomme of his grete
taylle for to couere his buttokes
therwith / ſayenge thus to hym / what auaylleth
to the ſoo long a taylle / hit doth but wagge /
And that whiche letteth the / ſhalle be prouffitable
and good for me / The foxe ſaid to hym
I wold that hit were yet lenger / For rather I
wold ſee hit al to fowled and dagged / than hit
ſhold here to yow ſuche honour / as to couere
thy fowle buttoks therwith / And therfore gyue
thou not that thynge of whiche thow haſt nede
of / to the ende that afterward thow myſter not
of hit
