that hit ſmelleth lyke bame / And thenne the lyon had ſhame to ſlee the ape / but he fond a grete falſheed for to put hym to dethe / He fayned to be ſeke and commaunded that al his leches & Cyrurgyens ſhold anone come vnto hym / whan they were come / he commaunded them to loke his vryne / And whan they had ſene hit / they ſayd to hym / Syre ye ſhalle ſbone be hole / But ye muſt ete lyght metes / And by cauſe that ye be kynge / alle is at your commaundement / And the lyon anſuerd Allas Ryght fayne I wold ete of an Ape / Certaynly ſayd the medecyn that ſame is good mete / Thenne was the Ape ſente for And notwithſtondyng that he worſhipfully ſpak and anſuerd to the kynge / the kynge made hym to dye / and deuoured hym ¶ Therfore hit is peryllous and harmeful to be in the felauſhip of a Tyraunt / For be hit euylle or good he wylle ete and deuoure euery thynge / And wel happy is he / that may ecape fro his blody handes / And that may eſchewe and flee the felauſhip of the eyyll tyraunt
¶ Here fynysshed the thyrdde booke of the ſubtyle fables of Esope
