¶ The xvj fable is of the camel / and of the flee
E that hath no myght ought not to
gloryfye ne preyſe hym ſelf of nothynge
/ As reherceth to vs this
preſente fable of a camell / whiche
bare a grete charge or burden
It happed that a flee by cauſe of the camels
here lepte to the back of the camel / and made
her to be borne of hym all the day And whanne
they had made a grete way / And that the
camel came at euen to the lodgys / and was put
in the ſtable / the flee lepte fro hym to the
grounde beſyde the foote of the camel / And
after ſayd to the camel / I haue pyte of the /
and am comen doune fro thy back by cauſe that
I wylle nomore greue ne trauaylle the by the
berynge of me / And the camel ſayd to the
flee / I thanke thee / how be it that I am not
ſore laden of the / And therfore of hym which
may neyther helpe ne lette men nede not make
grete eſtymacion of