ſhalle ſaye to the / whan thow wente & cameſt by the kynges hows / thow werte bleſſed of the lord / & whan thou were at the Court thow herkeneſt and alſo ſayeſt many good wordes and good talkynge of al the world /
¶ And therfore my godſep be it euyl or good / thow muſte al lete paſſe / and goo / and haue pacyence in thyn aduersyte /
¶ And thus this table ſheweth vnto vs / that yf ony be hurted or dommaged / by ſomme other he muſt not auenge hym ſelf by his tonge lor to make ony treſon / ne for to ſay of other ony harme ne open blaſphemye / For he ought to conſydere / that who ſo euer maketh the pytte redy for his broder / ofte it happeth that he hym ſelf falleth in the ſame / and is beten with the ſame rodde that he maketh for other
