walle of my mayſters celer is fallen doune / go thyder this nyght and entre in hit / and there thow mayſt both ete and drynke after thy playſyr / For bothe breed fleſſhe and wyn ſhalt thow fynde at plente there within / And thenne the wulf ſayd to hym / Allas my broder / beware wel thenne / that thow accuſe ne deceyue me not / And the dogge anſuerd / I waraunt the / but doo thy faythe ſoo pryuely / that none of my felawes knowe not of hit / ¶ And the wulf came at the nyght / and entryd in to the celer / and / ete and dranke at his playſyre / In ſo moche that he wexed dronke And whanne he hadde dronke ſoo moche / that he was dronke / He ſayd to hym ſelf / whanne the vylaynes ben fylled wyth metes/ and that they ben dronke / they ſynge theyr ſonges / and I wherfore ſhold I not ſynge / ¶ And thenne he beganne to crye and to howle / And the dogges herd the voys of hym wherfore they beganne to barke and to howle / And the ſeruaunts whiche herd them ſayd / It is the wulf / whiche is entryd within the celer / And thenne they al to gyder wenten thyder / and kylled the wulf / And therfore more deſpendeth the nygard than the large / For auaryce was neuer good / For many one ben whiche dare not ete ne drynke as nature requyreth / But neuertheles euery one oughte
Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/186
This page needs to be proofread.
170
LIBER
![](http://upload.wikimedia.org/wikipedia/commons/thumb/7/75/The_fables_of_Aesop%2C_as_first_printed_by_William_Caxton_in_1484%2C_with_those_of_Avian%2C_Alfonso_and_Poggio._Vol_2.djvu/page186-1024px-The_fables_of_Aesop%2C_as_first_printed_by_William_Caxton_in_1484%2C_with_those_of_Avian%2C_Alfonso_and_Poggio._Vol_2.djvu.jpg)