¶ The fourthe fable is of the catte and of the chyken
E whiche is fals of kynde / & hath bcgonne to deceyue Ibme other/ euer he wyl uſe his craft / As it appiereth by this preſent Fable of a kat whiche ſomtyme toke a chyken / the whiche he beganne ſtrongly to blame / for to haue fonde ſomme cauſe that he myght ete hit / and ſayd to hym in this manere / Come hyther thou chyken / thow doſt none other good but crye alle the nyght / thow leteſt not the men ſlepe / And thenne the chyken anſuerd to hym / I doo hit for theyre grete prouffite / And ouer ageyne the catte ſayd to hym / yet is there wel wors / For thow arte an inceſte & lechour For thow knoweſt naturelly both thy moder and thy doughter And thenne the chyken ſayd to the cat / I doo hit by cauſe that my mayſter maye haue egges for his etynge / And that hys mayſter for his prouffyte gaf to hym bothe the moder and the doughter for to multyplye the egges / And thenne the catte ſayd to hym / by my feythe