¶ The xiiij fable is of a yonge theef and of his moder
e whiche is not chaſtyſed at the
begynnynge is euyll and peruers
at the ende / As hit appiereth by
this fable of a yonge child whiche
of his yongthe beganne to ſtele /
and to be a theef / And the theftys whiche he
maad / he broughte to his moder / and the moder
toke them gladly / & in no wyſe ſhe chaſtyſed
hym / And after that he had done many theftys /
he was taken / and condempned to be hanged /
And as men ledde hym to the Juſtyce / his moder
folowed hym and wepte ſore / And thenne the
child prayed to the Juſtyce / that he myght ſaye
one word to his moder / And as he approuched
to her / made ſemblaunt to telle her ſomme
wordes at her ere / & with his teeth he bote of
her noſe / wherof the Juſtyce blamed hym / And
he anſuerd in this manere / My lordes ye haue
no cauſe to blame me therfore / For my moder
