PRIMUS.
7
¶ The thyrd fable is of the rat / and of the frogge /
ow it be ſo / that as the rat went in
pylgremage / he came by a Ryuer /
and demaunded helpe of a frogge
tor to paſſe / and go over the
water / And thenne the frogge
bound the rats foote to her foote / and thus
ſwymed vnto the myddes ouer the Ryuer / And
as they were there the frogge ſtood ſtylle / to
thende that the rat ſhold be drowned / And in
the meane whyle came a kyte vpon them / and
bothe bare them with hym / This fable made
Eſope for a ſymylytude whiche is prouffitable to
many folkes / For he that thynketh evylle ageynſt
good / the evil whiche he thynketh ſhall ones
falle upon hym ſelf.
