¶ The xiij fable is of the hunter and of the tygre
Erse is the ſtroke of a tonge / than
the ſtroke of a ſpere as hit appiereth
by this fable / Of a hunter /
whiche with his arowes hurted the
wyld beeſtes / in ſuche wyſe that
none ſcaped fro hym / to the whiche beſtes a
tygre fyers and hard ſayd in this manere / Be
not aferd / For I ſhalle kepe yow well / And as
the Tygre came in to the wode / the hunter was
hyd within a buſſhe / the whiche whan he ſawe
paſſe the tygre before the buſſhe / he ſhote at hym
an arowe / and hytte hym on the thye / wherfore
the tygre was gretely abaſſhed And wepynge
and ſore ſyghynge ſayd to the other beeſtes / I
wote not from whens this cometh to me / ¶ And
whanne the foxe ſawe hym ſoo gretely abaſſhed /
al lawhynge ſayd to hym / Ha a tygre / thow arte
ſo myghty and ſo ſtronge / And thenne the tygre
ſayd to hym / My ſtrengthe auaylled me not at
that tyme / For none may kepe hym ſelf fro
treaſon And therfore ſome ſecrete is here / whiche
I knewe not before But notwithſtandynge this I
maye wel conceyue / that there is no wors arowe /
