¶ The xvij fable is of phebus / of the Auarycious / and of the enuyous
One oughte to doo harme or dommage
to ſomme other for to receyue
or doo his owne dommage /
As hit appereth by this fable / Of
Jupiter whiche ſent phebus in to
therthe for to haue al the knowlege of the
thouȝt of men ¶ This phebus thenne mette
with two men / of whiche the one was moche
enuyous / And the other ryght couetous / Phebus
demaunded of them what theyr thought was /
We thynke ſaid they to demaunde and aſke of
the grete yeftes / To the which phebus anſuerd /
Now demaunde that ye wylle / For all that that
ye ſhalle demaunde of me / I ſhalle graunte hit /
And of that / that the fyrſt of yow ſhalle aſke /
the ſecond haue the dowble parte / or as moche
more ageyne / And thenne the auarycious ſayd /
I wyl that my felawe aſke what he wyll fyrſt
wherof the enuyous was wel content / whiche
ſayd to Phebus Fayre ſyre I praye the that I
maye leſe one of myn eyen / to thende that
my felawe may leſe al bothe his eyen / wherfor
