¶ The xxij fable is of the viator or palmer and of Satyre
En ought to beware & kepe hym
ſelf from hym whiche bereth both
fyre and water / as reherceth to vs
this Fable Of a pylgrim / whiche
ſomtyme walked in the wynter /
and wente thurgh a grete foreſt / ¶ And by
cauſe that the ſnowe had couerd al the wayes /
he wiſt ne knewe not whyther he wente /
ageynſte the whiche came a wodewoſe named
Satyre by cauſe he ſawe hym a cold / whiche
aproched to the pylgrym and brought hym in
to his pytte / And whan the pylgrym ſawe
hym / he hadde grete drede by cauſe that a
wodewoſe is a monſtre lyke to the man / as hit
appiereth by his fygure / ¶ And as the wodewoſe
or Satyre ledde the pylgrym in to his
pytte / the pylgrym dyd blowe within his handes
for to chauffe them / For he was ſore cold /
And thenne the wodewoſe gaf to hym hote water
to drynke / ¶ And whan the pylgrym wold
haue dronken hit / he beganne to blowe in hit /
And the wodewoſe demaunded of hym / why
