¶ The vj fable is of the lyon and of the cowe / of the goote and of the ſheep
en ſayen that it is not good to ete
plommes with his lord / ne to the
poure it is not good to have partage and dyuyſyon with hym which
is ryche & myghty / wherof Eſope
reherceth ſuche a fable / The cowe / the gote &
the ſheep went ones a huntyng & chaſe / with the lyon and toke a herte / And whanne they cake /
[came] to haue theyr parte / the lyon ſayd to
them / My lordes I late you wete / that the fyrſt
part is myn by cauſe I am your lord / the ſecond
by cauſe / I am ſtronger than ye be / the thyrd /
by cauſe I ranne more ſwifter than ye dyd / and
who ſo ever toucheth the fourthe parte / he ſhall
be myn mortal enemy / And thus he took for
hym ſelfe alone the herte / And therfore this
fable techeth to al folk / that the poure ought
not to hold felauſhip with the myghty / For
the myghty man is neuer feythfull to the poure
