¶ The v fable is of the feythe of the thre felawes
Fte it happeth that the euyll whiche
is procured to other cometh to
hym whiche procureth it / as hit
apperyth by the[errata 1] felawes / of the
whiche tweyn were burgeys / &
the thyrd a labourer / the whiche aſſembled them
to gydre for to go to the holy ſepulcre / This
thre felawes made ſo grete prouyſyon of flour for
to make theyr pylgremage / in ſuche wyſe / that
it was all chauffed / and conſumed / excepte only
for to make one loef only / And whan the
Burgeis ſawe thende of theyre floure they ſayd
to gyder / yf we fynde not the maner and cautele
for to begyle this vylayn / by cauſe that he
is a rygt grete gallaunt / we ſhalle deye for hongre /
wherfore we muſt fynde the maner and facyone
that we may haue the loof whiche ſhall be maad
of alle oure floor / And therfore they concluded
to gyder and ſayd / whanne the loof ſhalle be putte
within the ouen we ſhalle go and lye vs for to
ſlepe / and he that ſhalle dreme beſt / the loof
