¶ The x fable is of the huſbond and of the moder & of hys wyf
Omtyme was a merchaunt whiche
maryed hym to a yonge woman /
the whiche had yet her moder on
lyue / It happed that this Marchaunt
wold ones haue gone ſomwhere
in to ferre country for to by ſome ware or
marchaundyſe / And as he was goynge / he betoke
his wyf to her moder for to kepe and rewle
her honeſtly tyll he come ageyne / ¶ His wyf
thenne by the owne conſentynge and wylle of
her moder / enamoured her ſelf of a ryght gentyl /
fayre and yong man whiche fournyſſhed to
thappoyntement / And ones as they thre made
good chere the huſbond came ageyne fro the
feyre and knocked at the dore of the hows /
wherfore they were wel abaſſhed / Thenne ſayd
the old moder thus to them / haue no fere / but
doo as I ſhalle telle to yow / and care yow not /
And thenne ſhe ſayd to the yonge man / hold
this ſwerd / and goo thow to the yate / and beware
thy ſelf that thow ſaye no word to hym /
but lete me doo / And as the huſbond wold haue
