280
THE FABLES
entryd his hows / and that he ſawe the yong man holdynge a naked ſwerd in his handes / he was gretely aferd / And thenne the old woman ſayd to hym / My ſone thow arte ryght welcome / be not aferd of this man / For thre men ranne ryght now after hym for to haue ſlayne hym / and by auenture he fond the yate open / and this is the cauſe why he came here for to ſaue his lyf / And thenne the huſbond ſaid to them / ye haue done wel / And I can yow grete thanke / And thus the yonge amerous wente his waye ſurely by the ſubtylyte of the moder / of his wyf / to the whiche truſte thy ſelf not / and thow ſhalt doo as ſage and wyſe