¶ The xij fable is of a blynd man and of his wyf /
here was ſometyme a blynd man
whiche had a fayre wyf / of the
whiche he was moche Jalous / He
kepte her ſo that ſhe myght not
goo nowher / For ewer he had her
by the hand / And after that ſhe was enamoured
of a gentil felawe / they coude not fynde the
maner ne no place for to fulfylle theyr wyll / but
notwithſtandyng the woman whiche was ſubtyle
and Ingenyous counceylled to her frende that he
shold come in to her hows / and that he shold
entre in the gardyn and that there he ſhold
clymme vpon a pere tree / And he did as ſhe
told hym / and when they had made theyr enterpryſe
/ the woman came ageyne in to the hows /
and ſayd to her huſbond / My frend I praye yow
that ye wylle go in to our gardyn for to disporte
vs a lytel whyle there / of the whiche prayer the
blynd man was wel content / and ſayd to his
wyf / wel my good frend I will wel / lete vs go
thyder / And as they were vnder the pere tree /
ſhe ſayd to her huſbond / My frende I praye the
