¶ The xiij fable is of the Tayller / of a kynge / and of his ſeruaunts
MEn ought not to doo ſome other / that whiche he wold not that it were done to hym / As it appiereth by this preſent fable / of a kynge whiche had a tayller whiche was as good a workman of his craft / as ony was at that tyme in alle the world / the whiche tayller had with hym many good ſeruauntes / wherof the one was called Medius / whiche ſurmounted alle the other in ſhapynge or ſewynge / wherfore the kyng commaunded to his ſtyward that the ſayd tayllers ſhold fare wel / and haue of the beſt metes and of delycious drynke / ¶ It happed on a daye that the mayſter Styward gaf to them ryght good and delycious mete in the whiche was ſome hony / And by cauſe that Medius was not atte that feſte / the ſtyward ſayd to the other / that they ſhold kepe for hym ſomme of their mete / And thenne the mayſter tayller anſuerd / he muſt none haue / For yf he were here / he
