amonge the reed and there eaſyd hym / And anonet here he fonde his aſſe / wherof he beyng moche Joyeful ranne in to the toune / and told and proclamed / that by the medecyn that he had receyued of the phiſycyen he had found his aſſe / whiche thynge knowen alle the ſymple peple reputed hym for a moche connynge man / whiche coude no thynge doo but make pyllyes / And thus many fooles are ofte taken for wyſe and connynge / For he was reputed to hele all maner ſekeneſſes / and alſo to fynde aſſes.
Here was in a certayne towne a
wydower wowed a wydowe for
to haue and Wedde her to his
wyf / And at the laſt they were
agreed and ſured to gyder / ¶ And
whan a yonge woman beynge ſeruaunt with the
wydowe herd therof / ſhe came to her mayſtreſſe /
and ſayd to her / Allas mayſtreſſe what haue ye
doo / why ſayd Ihe / I haue herd ſay ſayd the
mayde / that ye be aſſured and ſhalle wedde
ſuche a man / And what thenne ſayd the
wydowe / Allas ſayd the mayde I am ſory for
yow / by cauſe I haue herd ſaye that he is a
peryllous man / For he laye ſo ofte and knewe
