lſo he ſaith that then was a phiſycyen
dwellyng in a Cyte / whiche was
a grete & a connyng man in that
ſcyence / & he had a ſeruaūt a
yong man whiche made pylles
after a certayne forme that he ſhewed to hym /
& whan this yong man / had dwellid long with
hym / & coude parfȝly[errata 1] make the pylles / he
departed fro his mayſter / and went in to ſtraūge
countre where as he was knowen / and lete men
there to vnderſtonde that he was a connynge
phiſycyen / and coude gyue medycynes for al
maner maladyes and ſekeneſſes / and myniſtyred
alwey his pylles to euery man that came to hym
for ony remedy / And hit was ſoo that a poure
man of that place where he was came to hym / and
complayned how he had loſte his aſſe / and prayd
hym to gyue to hym a medycyne for to fynde
his aſſe ageyne / And he gaf to hym the ſayd
pylles / & badde hym to receyue and take them /
And he ſhold fynde his aſſe / And this poure
man dyd ſoo / and after wente in to the feldes
and paſtures to ſeke and loke after his aſſe / And
ſoo doynge the pylleys wrongth[errata 2] ſoo in his bely /
that he muſt nedes go purge hym / and went