¶ The vi fable is of the wulf and of the lambe
He byrth cauſeth no ſo moche to gete
ſome frendes / as cloth the goodnes
/ wherof Eſope reherceth to vs
ſuche a fable / Of a wulf whiche
ſawe a lambe among a grete herd
of gootes / the whiche lambe ſowked a gote /
And the wulf wente and ſayd to hym / this gote
is not thy moder / goo and ſeke her at the Montayn
/ for ſhe ſhalle nouryſſhe the more ſwetely
and more tendyrly than this gote ſhalle/ And
the lambe anſuerd to hym / This goote nouryſſheth
me inſtede of my moder / For ſhe leneth to me
her pappes ſoner than to ony of her own children
/ And yet more / hit is better for me to be
here with theſe gootes than to departe fro hens /
and to falle in to thy throte for to be deuoured /
And therfore he is a foole whiche leueth fredome
or ſurete / For to put hym ſelf in grete perylle
and daunger of dethe / For better is to lyue
ſurely and rudely in ſewrte than ſwetely in peryll
& daunger
