¶ The vii fable ſpeketh of the old dogge and of his mayster
En ought not to dyſprayſe the auncyent
ne to putte a bak / For yf
thow be yonge / thow oughte to
deſyre to come to old age or auncyente
/ and alſo thow ouȝteſt to
loue and prayſe the fayttes or dedes whiche they
haue done in theyr yongthe / wherof Eſope reherceth
to vs ſuche a fable / Of a lord whiche
had a dogge / the whiche dogge had be in his
yonghe of good kynde / For ye wote wel / that
of kynde the dogges chacen and hunten in theyr
yongthe / and haue grete luſte to renne and take
the wyld beeſtes / whan thenne this dogge was
come to old age / and that he myght no more
renne / It happeth ones that he lete ſcape and go
fro hym an hare / wherfore his mayſter was ſorowfull
and angry / and by grete wrathe beganne to
bete hym / The dogge ſayd thenne to hym / My
mayſter/ of good ſeruyſe thow yeldeſt to me
euylle gwerdone & reward / For in my yonge
age I ſerued the ful wel / And now that I am
comen to myn old age / thow beteſt and ſetteſt
