Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/67

 

¶ The xiiij fable is of the wulf and of the dede mans hede

 

Any one ben whiche haue grete worſhip and glorye / but noo prudence / ne noo Wyſedom they haue in them wherof Eſope reherceth ſuche a fable / Of a wulf which found a mans hede / the whiche he torned vp ſo doune with his foote / And ſayd / Ha a how fayr haſt thow be and playſaunt / And now thow haſt in the neyther wytte / ne beaute / & yet thow arte withoute voys and withoute ony thought / and therfore men ought not only to behold the beautte and fayreneſſe of the body / but only the goodnes of the courage / For ſomtyme men gyuen glorye and worſhip to ſome / whiche haue not deſeruyd to haue hit /