¶ The xv fable is of the Jaye and of the pecok
One ought to were and putte on
hym the gowne of other / wherof
Eſope reherceth to vs ſuche a
fable Of a Jaye full of vayne
glory / whiche tooke and putte
on hym the fethers of a pecok / and with them
he a[d]ourned/ and arayed hym ſelf well / And
whanne he was wel dreſſyd and arayed / by his
oultrecuydaunce or ouerwenynge wold haue gone
and conuerſed amonge the pecoks / and deſprayſed
alle his felawes / And whanne the pecokes
knewe that he was not of theyr kynd / they anone
plucked of alle his fethers / and ſmote and bete
hym by ſuche maner / that no fethers abode
vpon hym / And he fledde away al naked and
bare /
¶ And thenne whanne his felawes ſawe hym / they ſayd to hym / What gallaunt come hyther / where ben thy fayre fethers / whiche thow haddeſt but late a gone / Haſt thow no ſhame ne vergoyne to come in oure companye / And thenne alle the byrdes cam vpon hym / and ſmote & bete hym / ſayenge thus to hym /
