60
LIBER
it awey / And ſoo bycauſe / that thow arte wexed fatte of myne owne brede / thow muſt rendre and geue to me alle the fatneſſe / whiche thou haſt conquered and goten here / For he that robbeth ſhall be robbed / Juxta illud / pellatores pillabuntur / For hit ſuffyſeth not to doo wel / but men muſt haue good wylle and good entencion for to do hit / For an almeſſe that is done for vayne glorye / is not merited / but diſmeryted / wherfore I ſhal not pardonne the / but incontynent and withoute taryenge thow ſhalt deye / For by cauſe that thow haſt deſeruyd no mercy / thow ſhalt now be putte to dethe
