Ac hit gelamp þæt æþelbold gefon.[1] 7 wyt. æþered [[2]7 ic]. mid ealne west-seaxena witena gewitnesse uncerne dæl oðfæstan æþelbyrhte[3] cingce uncrum mæge. on þa gerædene þe he hit eft gedyde unc swa geþylde swa hit þa wæs þa wit hit him oðfæstan. 7 he þa swa dyde. ge þæt yrfe. ge ꝥ he mid uncre gemanan begeat. 7 þæt he sylf gestrynde.
Ða hit swa gelamp ꝥ æþered[4] to feng. þa bæd ic hine beforan urum witum eallum. ꝥ wyt ꝥ yrfe gedældon. 7 he me ageafe minne dæl. þa sæde he me ꝥ he naht eaðe ne mihte todælan. for þon he hæfde ful oft ær ongefangen. 7 he cwæð þæs þe he on uncrum gemanan gebruce. 7 [þæs þe he][5] gestrynde. æfter his dæge he nanum men wel ne uðe þonne me. 7 ic þæs þa wæs wel geþafa.
- ↑ Ethelbald, þe eldest broþer of Alfred, died, 20. Dec. A°.860.
- ↑ the words, 7 ic, seem to be wanting in the original
- ↑ Who succeeded to the kingdom on the death of Ethelbald, A°. 860; and was now the eldest surviving brother of the three.
- ↑ Ethered succeeded to the Throne on the death of Ethelbert, A°. 866.
- ↑ The words þæs þe he, though not expressed in the Original, must be understood, as absolutely necessary to enable the Reader to distinguish between the two species of Estate here mentioned, viz. That which Ethered was seised of by joint heirship with Alfred, and such as he had acquired himself.
