LAST MAY A BRAW WOOER.
Last May a braw wooer came down the rang glen
And sair wi’ his love did he deava me;
I said there was naething I hated like men,
The deuce gae wi'm to believe me, to believe me
The deuce gae wi’m to believe me.
He spoke o' the darts in my bonnie black e'en
And vow'd for my love he was dying;
I said he might die when he liked for Jean,
The Lord forgie me for lying, for lying,
The Lord forgie me for lying.
A wee stocked mailen himsell for the laird
And marriage aff hand were his proffers,
I never loot on that I kend or I car’d,
But thought I might get waur offers, waur offers
But thought I might get waur offers.
But what wad you think? in a fortnight or less,
The deil tak his taste to gae uear her!
He up the lang Loan to my black cousin Bess,
Guess ye how, the jade ! I could bear her, could
Guess ye how the jade! I could bear her.
But a' the (illegible text)eist week as I fretted wi' care,
I gaed to the tryst o' Dolgarnock,
And wha but my fine fickle lover was there,
I glowr’d as I'd seen a warlock, a warlock,
I glowr’d as I'd seen a warlock.
But owre my left shouther I gae him a blink,
Lest neebaurs might say I was saucy,
My woner he caper’d as he’d bean in drink,
And vow’d I was his dear lassie, dear lassie,
And vow’d I was h s dear lassie.
I spier'd for my cousin fu' couthy and sweet,
Gin she had recover’d her hearin'
And how hot new shoon fit her auld shacheld feet,
But heavens how he fell a swearin a swearin,
But heavens how he fell a swearin.
He begged me for gudesake I wad be his wife,
Or else I wad kill him wi’ sorrow:
So e'en to preserve the poor pody in life
I think I maun wed him to-morrow, to-morrow,
I think I maun wed him to-morrow.
Public domainPublic domainfalse