The Merry Muses of Caledonia/Blyth Will and Bessie's Wedding


Tune—"Roy's Wife."

An old song. The stanzas in brackets seem to be an interpolation from another ditty much resembling "Comin' o'er the hills o' Couper."

There was a wedding o'er in Fife,
An' mony a ane frae Lothian at it;
Jean Vernon there maist lost her life,
For love o' Jamie Howden at it.
Blyth Will and Bessie's weddin',
Blyth Will and Bessie's weddin',
Had I been Will, Bess had been mine,
An' Bess an' I had made the weddin'.
Right sair she grat, and wet her cheeks,
An' naithing pleased that we could gie her;
She tint her heart in Jamie's breeks,
It cam nae back to Lothian wi' her.

Blyth, &c.

[Kate Mackie cam frae Parloncraigs,
The road was foul 'twixt that an' Couper;
She shaw'd a pair o' handsome legs.
When Highland Donald he o'ertook her.

Comin' o'er the moor o' Couper,
Coming o'er the moor o' Couper,
Donald fell in love wi' her.
An' row'd his Highland plaid about her.

They took them to the Logan steps,
An' set them down to rest thegither,
Donald laid her on her back.
An' fir'd a Highland pistol at her.

Comin'. &c.

Lochleven Castle heard the rair,
An' Faulkland house the echo sounded;
Highland Donald gae a stare.
The lassie sigh'd, but was nae wounded.]

Comin', &c.

Tamie Tamson too was there,
Maggie Birnie was his dearie.
He pat it in amang the hair,
An' puddled there till he was weary.

Blyth, &c.

When e'enin' cam the town was thrang,
An' beds were no to get for siller;
When e'er they fand a want o' room,
They lay in pairs like bread and butter.

Blyth, &c.

Twa and twa they made the bed,
An' twa an' twa they lay thegither;
When they had na room enough,
Ilk ane lap on aboon the tither.

Blyth, &c.

Merry Muses of Caledonia - Fleuron p34.png