The Poetical Works of Robert Burns/For the sake of Somebody

For other versions of this work, see Somebody (Burns).
4508365The Poetical Works of Robert Burns — For the sake of SomebodyRobert Burns (1759-1796)

FOR THE SAKE OF SOMEBODY.

TUNE—'THE HIGHLAND WATCH'S FAREWELL.'

My heart is sair, I dare na tell,
My heart is sair for somebody;
I could wake a winter night,
For the sake o' somebody!
Oh-hon! for somebody!
Oh-hey! for somebody!
I could range the world around,
For the sake o' somebody.

Ye powers that smile on virtuous love,
O, sweetly smile on somebody!
Frae ilka danger keep him free,
And send me safe my somebody.
Oh-hon! for somebody!
Oh-hey! for somebody!
I wad do—what wad I not?
For the sake o' somebody!