¶ The xiij fable is of the wulues and of the ſheep
Hanne men haue a good hede / and a good defenſour / or a good Capitayne / men oughte not to leue hym / for he that leueth hym repenteth hym after ward of hit / as to vs reherceth this fable / Of the ſheep whiche had werre and deſcencion with the wolues / And by cauſe that the wulues made to ſtronge werre ageynſt the ſheep / the ſhepe thenne tooke for theyr help the dogges / and the whethers alſo / And thenne was the bataylle of the ſheep ſo grete and ſo ſtronge / & fought ſo vygorouſly ageynſt the wolues that they put them to flyȝt ¶ And whanne the wolues ſawe the ſtrengthe of theyr aduerſaryes / they ſent an ambaſſade toward the ſheep for to trete the pees with them / the whiche Ambaſſade ſayd to the ſheep in this maner / yf ye wylle gyue us the dogges / we ſhalle ſwere vnto yow oure feythe / that we ſhalle neuer kepe ne hold werre ageynſt yow / And the ſheep anſuerd / yf ye wylle gyue vs your fayth / we ſhalle be content / And thus they made pees to