¶ The xiiij fable is of the hedgehogge and of the lytyl kyddes
T behodeth[errata 1] not to the yong and
lytyl of age to mocke ne ſcorne
theyr older / As this fable ſayth /
of thre lytyl hedgehogges / whiche
mocked a grete hedgehogge /
whiche fled before a wulf / And whanne he
perceyued the ſcornyng of them / he ſayd to
them / Ha a poure fooles & wood ye wote not
wherfore I fle / For yf ye wyſt and knewe wel
thyn conuenyent[errata 2] and paryll / ye ſhold not mocke
of hit / And therfore whan men ſeen that the
grete and myghty ben ferdful and doubtous /
the laſſe or lytyll oughen not to be aſſured / For
whan the toune is taken and goten by fortune
of warre the Country aboute is not therfore
more acertayned / but ouȝt to tremble and ſhake