Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/178

 

my proud thoughte / For the daye in the mornynge I fond a ſak ful of talowe / the whiche I dayned not but only ſmelle hit. And after I fond a grete pycece of bakon / the whiche I wold neuer ete for drede of grete thurſt and for my folyſſhe thought / And therfore yf euylle is syn happed to me it is wel beſtowed and employed / My fader was neuer medecyn ne leche / and alſo I haue not ſtudyed and lerned in the ſcyence of medycyn or phiſyke / therfore if it happeth euylle to me / whanne I wold drawe the thorne oute of the mares fote it is wel employed / ¶ Item my fader was neuer neyther patryarke ne Biſſhop / and alſo I was neuer lettred / and yet I preſumed / and toke on me for to ſacryfyce and to ſynge before the goddes / faynyng my ſelf to be a prelate / but after my deſerte I was wel rewarded / ¶ Item my fader was no legiſt ne neuer knewe the lawes / ne alſo man of Juſtyce / and to gyue ſentence of a plee / I wold entremete me / and fayned my ſelf grete Juſtycer / but I knewe neyther / a / ne / b / ¶ And yf therfore euylle is come to me / it is of me as of ryght it ſhold be / O Jupyter I am worthy of gretter punycyon whanne I haue offenſed in ſo many maners / ſende thow now to me from thyn hyghe throne a swerd or other